वारेगावकरासाठी अभिमानाचा क्षण ठरला असून, दिव्य मराठी तर्फे जालना येथे आयोजित पोलीस सन्मान सोहळ्यात पोलीस निरीक्षक पंकज पंडीतराव जाधव यांना त्यांच्या उल्लेखनीय कार्याबद्दल सन्मानचिन्ह देऊन गौरविण्यात आले.
पोलीस निरीक्षक जाधव यांनी गर्भपात रॅकेट उद्ध्वस्त करून काटेकोर तपासाद्वारे संबंधित आरोपींना अटक केली. त्यांच्या या धाडसी व प्रभावी कारवाईची दखल घेत त्यांना हा मानाचा सन्मान प्रदान करण्यात आला.
हा सन्मान जिल्ह्याच्या पालकमंत्री पंकजा मुंडे यांच्या हस्ते प्रदान करण्यात आला. यावेळी त्यांनी जाधव यांच्या पुढील कार्यासाठी शुभेच्छा व्यक्त केल्या.
कार्यक्रमास माजी केंद्रीय मंत्री रावसाहेब दानवे, अर्जुन खोतकर तसेच विविध क्षेत्रातील अनेक मान्यवर मोठ्या संख्येने उपस्थित होते.
या सन्मानामुळे वारेगावकरांच्या शिरपेचात आणखी एक मानाचा तुरा रोवला गेला असून, परिसरात आनंदाचे वातावरण निर्माण झाले आहे
वारेगावचे भूमिपुत्र पोलीस निरीक्षक पंकज जाधव यांचा सन्मान
