छत्रपती संभाजीनगर : शहरातील वाढते रस्ते अपघात आणि प्राणहानी रोखण्यासाठी १ सप्टेंबर २०२६ पासून हेल्मेट सक्तीची कडक अंमलबजावणी सुरू करण्यात आली आहे. पोलीस आयुक्त प्रवीण पवार यांच्या मार्गदर्शनाखाली विशेष मोहीम राबविण्यात येत आहे.
विनाहेल्मेट दुचाकी चालवल्यास ₹१,००० दंड तसेच ३ महिन्यांसाठी ड्रायव्हिंग लायसन्स निलंबित करण्याची तरतूद असल्याचे सांगण्यात आले आहे.
कारवाईची वेळ :
▪️ सकाळी ९ ते दुपारी १
▪️ सायंकाळी ५ ते ७
शहरातील प्रमुख चौक व रस्त्यांवर तपासणी नाके उभारून कारवाई केली जाणार असून, गल्ली-बोळातून विनाहेल्मेट जाणाऱ्या दुचाकीस्वारांवरही लक्ष ठेवले जाणार आहे.
चालकासोबत मागे बसणाऱ्या व्यक्तीलाही हेल्मेट बंधनकारक असल्याचे पोलिसांनी स्पष्ट केले आहे
