छत्रपती संभाजीनगर : 136 इन्फंट्री बटालियन (टीए) इको महारतर्फे भूतपूर्व सैनिक तसेच वने व हवामान बदल मंत्रालय आणि राज्य वन विभागातील भूतपूर्व महिला कर्मचाऱ्यांसाठी भरती मेळाव्याचे आयोजन करण्यात आले आहे.
भरतीचा पहिला टप्पा 1 ते 4 सप्टेंबर 2026 दरम्यान 109 इन्फंट्री बटालियन (टीए) मराठा एलआय, कोल्हापूर येथे, तर दुसरा टप्पा 8 ते 11 सप्टेंबर 2026 दरम्यान एआरओ ग्राउंड, छत्रपती संभाजीनगर येथे सकाळी 5 वाजल्यापासून होणार आहे.
पदांचा तपशील :
जेसीओ – 4, सोल्जर (जीडी) – 162 पदे महाराष्ट्रातील उमेदवारांसाठी उपलब्ध आहेत. याशिवाय ट्रेड्समन – 15, सोल क्लार्क – 7, हेअर ड्रेसर – 1, मेस कीपर – 1, स्टिवर्ड – 1, हाऊस कीपर – 1, शेफ कम्युनिटी – 2 आणि वॉशरमन – 2 पदे संपूर्ण भारतातील पात्र उमेदवारांसाठी आहेत.
पात्रता : उमेदवार सशस्त्र दलातील निवृत्तिवेतनधारक भूतपूर्व सैनिक किंवा वने व हवामान बदल मंत्रालय/राज्य वन विभागात किमान 20 वर्षे सेवा केलेला भूतपूर्व महिला कर्मचारी असावा. सेवानिवृत्ती अथवा सेवामुक्तीनंतर पाच वर्षांच्या आत नोंदणी झालेली असणे आवश्यक आहे. वैद्यकीय श्रेणी ‘शेप-1’ व चारित्र्य अनुकरणीय किंवा अतिशय चांगले असणे आवश्यक आहे.
आवश्यक कागदपत्रे : मूळ पीपीओ, डिस्चार्ज बुक व स्वयं-साक्षांकित प्रत, अधिवास प्रमाणपत्र, भूतपूर्व सैनिक ओळखपत्र, 10 अलीकडील रंगीत पासपोर्ट फोटो आणि शैक्षणिक प्रमाणपत्रे सोबत आणावीत.
भूतपूर्व सैनिकांसाठी धावणे, पुल-अप्स, बॅलन्स बीम, मुलाखत, वनीकरण व रोपवाटिका प्रावीण्य चाचणी आणि वैद्यकीय तपासणी होईल. महिला वन कर्मचाऱ्यांसाठी कागदपत्र पडताळणी, मुलाखत, वनीकरण व रोपवाटिका प्रावीण्य चाचणी आणि वैद्यकीय तपासणी होणार आहे.
भरती प्रक्रिया पूर्णपणे विनामूल्य व पारदर्शक असून दलालांच्या आमिषाला बळी पडू नये, असे आवाहन करण्यात आले आहे. भरतीदरम्यान मोबाईल फोनला परवानगी राहणार नाही. खोटी कागदपत्रे किंवा चुकीची माहिती आढळल्यास उमेदवारी रद्द करून कायदेशीर कारवाई केली जाईल.
अधिक माहितीसाठी : 9168168136
भूतपूर्व सैनिक व महिला वन कर्मचाऱ्यांसाठी सैन्य भरती मेळावा
