छत्रपती संभाजीनगर, दि.२३जुलै : डॉ.बाबासाहेब आंबेडकर मराठवाडा विद्यापीठातील रसायनशास्त्र विभागप्रमुख पदी डॉ.बापूराव बब्रुवान शिंगटे यांची नियुक्ती करण्यात आली आहे. डॉ.सुनील शंकरवार यांच्याकडून डॉ.शिंगटे यांनी पदभार घेतला.
मा.कुलगुरु डॉ.विजय फुलारी यांनी सदर नियुक्ती केली आहे. डॉ.शिंगटे हे गेल्या १८ वर्षांपासून रसायनशास्त्र विभागात कार्यरत आहेत. डॉ.शिंगटे यांच्या संशोधन कार्यास आजपर्यंत सात पेटंट प्राप्त झाले आहे. तसेच त्यांना इंडो-युएस फेलोशिप, युजीसी रिसर्च फेलोशिप, प्रा.मनमोहन शर्मा अ‍ॅवॉर्ड प्राप्त झालेले आहेत.
