छत्रपती संभाजीनगर, दि. 18 जून – मराठा सेवा संघ, जिजाऊ ब्रिगेड, संभाजी ब्रिगेड व सर्व 33 कक्ष, छत्रपती संभाजीनगर यांच्या संयुक्त विद्यमाने “जगद्गुरु तुकोबाराय व्याख्यानमाला” आयोजित करण्यात आली आहे. समाज प्रबोधन आणि छत्रपती शिवाजी महाराजांच्या विचारांचा प्रसार करण्याच्या उद्देशाने हा कार्यक्रम आयोजित करण्यात आला असून, समाजबांधवांनी मोठ्या संख्येने उपस्थित राहावे, असे आवाहन आयोजकांनी केले आहे.
या व्याख्यानमालेत “शाहू महाराजांच्या विचारांची आधुनिक काळातील उपयुक्तता” या विषयावर ज्येष्ठ व्याख्याते शिवश्री बाळासाहेब गरुड मार्गदर्शन करणार आहेत. सामाजिक समता, शिक्षण, आरक्षण, लोककल्याणकारी राज्यव्यवस्था आणि प्रगतिशील विचार या संदर्भात शाहू महाराजांच्या कार्याचे आजच्या काळातील महत्त्व ते उलगडून सांगणार आहेत.
कार्यक्रमाच्या अध्यक्षस्थानी इं. डी. एम. पाटील (जिल्हाध्यक्ष, मराठा सेवा संघ, छत्रपती संभाजीनगर) असतील. प्रमुख पाहुणे म्हणून शिवश्री सुनील किर्दक (चेअरमन, किर्दक इंडस्ट्रीज) उपस्थित राहणार आहेत. तसेच विंग कमांडर जाधव सर, डॉ. अश्विनी देशमुख (संचालक, उमंग आय.व्ही.एफ. हॉस्पिटल) आणि शिवश्री धनंजय पाटील यांची विशेष उपस्थिती लाभणार आहे.
हा कार्यक्रम शनिवार, 20 जून 2026 रोजी सायंकाळी 6.30 वाजता जिजाऊ मंदिर, म्हाडा कॉलनी, बाबा पेट्रोल पंपाजवळ, छत्रपती संभाजीनगर येथे आयोजित करण्यात आला आहे.
कार्यक्रमानंतर उपस्थितांसाठी स्नेहभोजनाची व्यवस्था करण्यात आली असल्याची माहिती आयोजकांनी दिली आहे. समाजातील सर्व घटकांनी या वैचारिक मेळाव्याचा लाभ घ्यावा आणि कार्यक्रमाची शोभा वाढवावी, असे आवाहन मराठा सेवा संघ, जिजाऊ ब्रिगेड, संभाजी ब्रिगेड व सर्व 33 कक्ष, छत्रपती संभाजीनगर यांच्या वतीने करण्यात आले आहे.
महाराष्ट्र न्यूज टाइम्स
संपादक:-दिनेश गायके
9923237970
छत्रपती संभाजीनगरात “जगद्गुरु तुकोबाराय व्याख्यानमाला” आयोजित
