छत्रपती संभाजीनगर :- (प्रतिनिधी) छत्रपती संभाजीनगरसह राज्यातील अनेक शहरांमध्ये RTO प्रशासनाकडून रिक्षा आणि टॅक्सी चालकांविरोधात विशेष तपासणी मोहीम सुरू करण्यात आली आहे. चालकांना मराठी बोलता, वाचता आणि लिहिता येते का याची थेट रस्त्यावर चौकशी केली जात असून नियमांचे पालन न करणाऱ्यांवर कठोर कारवाईचा इशारा देण्यात आला आहे.
राज्य सरकारच्या नव्या निर्देशांनुसार सार्वजनिक प्रवासी वाहतूक करणाऱ्या चालकांना मराठी भाषेचे ज्ञान असणे अनिवार्य करण्यात आले आहे. यामुळे शहरात या कारवाईची मोठी चर्चा रंगली असून अनेक ठिकाणी चालकांची अचानक तपासणी केली जात आहे.
