छत्रपती संभाजीनगर जिल्ह्यातील फुलंब्री तालुका वकील संघटनेच्या निवडणुकीत अध्यक्षपदी अॅड. ए एस कापरे यांचा दणदणीत विजय झाला आहे. तसेच सचिवपदी अॅड. आर एस काझी यांनीही उल्लेखनीय मताधिक्याने विजय मिळवला.
या निवडणुकीत मोठ्या उत्साहात मतदान पार पडले होते. विजयी उमेदवारांनी प्रतिस्पर्ध्यांवर मात करत विश्वासार्ह नेतृत्वाची छाप पाडली. निकाल जाहीर होताच समर्थकांनी आनंद व्यक्त करत अभिनंदनाचा वर्षाव केला.
नवनिर्वाचित पदाधिकाऱ्यांनी संघटनेच्या विकासासाठी, वकिलांच्या प्रश्नांच्या सोडवणुकीसाठी आणि न्यायव्यवस्थेच्या बळकटीसाठी काम करण्याचा निर्धार व्यक्त केला आहे.
फुलंब्री तालुक्यातील कायदा क्षेत्रात या निकालामुळे नव्या उर्जेला चालना मिळणार असल्याची प्रतिक्रिया व्यक्त होत आहे.
छत्रपती संभाजीनगर | फुलंब्री वकील संघटना निवडणूक निकाल जाहीर
