गंगापूर पोलीस ठाण्याच्या हद्दीत चालणाऱ्या अवैध व्यवसायांवर तात्काळ अंकुश ठेवण्याबाबतचे निवेदन

छत्रपती संभाजीनगर (महाराष्ट्र न्यूज टाइम्स)
गंगापूर तालुक्याचे संजय विठ्ठलराव जाधव लोकनियुक्त नगरअध्यक्ष, गंगापूर नगरपरिषद, तालुकाध्यक्ष (राष्ट्रवादी काँग्रेस पार्टी, गंगापूर), कृषी उत्पन्न बाजार समितीचे माजी सभापती, गंगापूर. संचालक, गंगापूर सहकारी साखर कारखाना लि. यांनी दिनांक: १८/४/२६ रोजी निवेदनाद्वारे
माननीय. उपविभागीय पोलीस अधिकारी (SDPO), – गंगापूर उपविभाग, जि. छत्रपती संभाजीनगर यांना
विषय: गंगापूर पोलीस ठाण्याच्या हद्दीत चालणाऱ्या अवैध व्यवसायांवर तात्काळ अंकुश ठेवण्याबाबतचे निवेदन दिले
उपरोक्त विषयासंबंधीच्या या निवेदनाद्वारे, आम्ही गंगापूर शहर आणि त्याच्या आसपासच्या परिसरातील अत्यंत भीषण आणि संतापजनक परिस्थिती आपल्या निदर्शनास आणत आहोत. गेल्या काही महिन्यांपासून गंगापूर पोलीस ठाण्याच्या हद्दीत कायद्याची भीती पूर्णपणे नाहीशी झाली असून, अवैध व्यवसायांनी सामान्य नागरिकांचे जीवन कठीण केले आहे.
या निवेदनाद्वारे आम्ही खालील गंभीर बाबी आपल्या निदर्शनास आणत आहोत:
१)गुटख्याची तस्करी आणि विक्री: सरकारने बंदी घातलेला गुटखा शहरातील मोठ्या केंद्रांवर, विशेषतः राजीव गांधी चौक आणि मन्सूरी कॉलनी परिसरात उघडपणे विकला जात आहे. आमचा स्पष्ट आरोप आहे की पोलीस प्रशासनासोबत होणाऱ्या संशयास्पद आर्थिक ‘व्यवहारांमुळे’ ही केंद्रे उघडपणे चालवली जात आहेत.
२)अवैध दारू आणि जुगार: शहरी आणि ग्रामीण भागांमध्ये देशी आणि विदेशी दारूचा अवैध साठा आणि विक्री केंद्रे मोठ्या प्रमाणात वाढली आहेत. प्रशासनासाठी ही शरमेची बाब आहे की कैगावसारख्या पवित्र धार्मिक स्थळी, जिथे लोक अंत्यविधी आणि धार्मिक कार्यक्रमांसाठी येतात, तिथे एका पोलिसाच्या नातेवाईकाकडून दारूची उघड विक्री, गुटखा आणि पत्त्यांचे खेळ यांसारखे विविध अवैध धंदे चालवले जात आहेत.
३)सेक्स रॅकेट प्रकरण: गंगापूर पोलीस ठाण्याच्या हद्दीतील छत्रपती संभाजीनगर-अहिल्यानगर महामार्गावरील एका हॉटेलमध्ये प्रशासनातील एका विभागाचे अधिकारी आणि कर्मचारी यांचा सहभाग असलेल्या, उघडपणे चालणाऱ्या सेक्स रॅकेटवर कारवाई करण्याऐवजी पोलीस निरीक्षकाने एक तकलादू तडजोड करून हे प्रकरण दडपले आहे, अशी चर्चा सर्वत्र होत आहे. यामुळे पोलिसांची प्रतिमा डागाळली आहे असे निवेदनात नमूद केले आहे.