कचरा नियमांचे उल्लंघन करणाऱ्यांकडून दंड वसुली

छत्रपती संभाजीनगर (महाराष्ट्र न्यूज टाइम्स)
छत्रपती संभाजीनगर महानगरपालिकेच्या घनकचरा व्यवस्थापन विभागामार्फत आज TV सेंटर, आकाशवाणी रोड परिसरात विशेष पाहणी मोहीम राबविण्यात आली असून या कारवाईदरम्यान एकूण ₹13,000/- इतका दंड वसूल करण्यात आला.
उपायुक्त तथा घनकचरा व्यवस्थापन कक्ष प्रमुख नंदकिशोर भोंबे यांच्या सूचनेनुसार ही पाहणी करण्यात आली. पाहणीदरम्यान काही नागरिकांकडून कचऱ्याचे योग्य वर्गीकरण न करता तो रस्त्यावर टाकला जात असल्याचे निदर्शनास आले.
सदर प्रकरणी संबंधित नागरिकांना समज देण्यात आली व त्यांच्यावर दंडात्मक कारवाई करण्यात आली. वारंवार सूचना देऊनही नियमांचे उल्लंघन होत असल्याचे यावेळी आढळून आले.
तसेच नागरिकांना ओला व सुका कचरा वेगवेगळा ठेवण्याबाबत मार्गदर्शन करण्यात आले. शहर स्वच्छ व सुंदर ठेवण्यासाठी जनजागृती (IEC) उपक्रमही राबविण्यात आला.
या मोहिमेत आर्मी जवान,एस. एम. वाघ, दौलत आर. म्हस्के,
एस. आय सुहास भाले, प्रसाद दांडगे, जवान विजय साबळे
सहभागी होते.